Шымкентте туған анасын өлтіріп, өртеп жіберген ер адам ұсталды
Шымкентте әйел адамның өліміне қатысты тергеу жүріп жатыр. Өлімге қатысы бар деген күдікпен туған ұлы ұсталды.
Алматы, NEGE. Құқық қорғау органдарының мәліметінше, 12 қаңтарға қараған түні жеке тұрғын үй аумағында өрт шыққаны туралы хабарлама түскен.
Оқиға орнынан зорлық-зомбылықпен өлім белгілері бар әйелдің мәйіті табылды.
«Алдын ала мәлімет бойынша, қылмыс отбасылық жанжал салдарынан жасалған. Күдікті ұсталып, уақытша ұстау изоляторына қамалды», – делінген хабарламада.
Құқық қорғау органдары «Адам өлтіру» бабы бойынша қылмыстық іс қозғады.
