Шымкентте танымал ішімдік брендтерін қолдан жасағандар ұсталды
Шымкент қаласынан «Absolut», «Зеленая марка», «Айдабульская», «Qulan» және тағы басқа брендтердің атын жамылған контрафактілік алкогольді өнімдер өндіретін жерасты цехінің жұмысы әшкере болды. Бұл туралы Әділет министрлігінің ресми өкілі Талғат Уәли мәлімдеді.
Алматы, NEGE. Шымкент қалалық Әділет департаменті мен полиция департаментінің қызметкерлері контрафактілік өнімдерді өндірумен айналысқан азаматты анықтады. Оған қатысты ҚР ӘҚБтК-нің 158-бабы (бөтеннің тауар белгілерін заңсыз пайдалану) бойынша іс қозғалды.
Тексеру барысында жерасты цехында спирттік ішімдіктерді құюға арналған құтыда, шығу тегі белгісіз 3 000 литр сұйықтық, сүзгі, құю жабдықтары, «Absolut» тауар белгісі бар 720, «Зеленая марка» тауар белгісі бар 1 400 дана бөтелке қақпақтары тәркіленді. Қазіргі уақытта әкімшілік істің материалдары сотқа жіберілді» деді Талғат Уәли.
Қазір оқып жатыр
«Әділет» партиясы Ақмолада өңірлерді дамыту бағдарламасын таныстырды
Daryn.online платформасына жүргізілген тексеру нәтижесінде әкімшілік іс қозғалды
Алматы әкімдігінің туристік турнесіне 1 млрд теңгедей бюджет қаражаты жұмсалған
Марқұм Ұлдананың күйеуі өтемақыны қайтаруға міндетті ме – Заңгер жауабы
