Шымкентте Руслан Берденовке жасалған қастандық ісі бойынша алдын ала сот отырысы басталды
21 сәуір күні әкімдік ғимаратының маңында шабуылға ұшыраған Шымкент қаласы әкімінің орынбасары Руслан Берденов ауыр жараланып, жансақтау бөліміне түскен болатын. Үш апта өткен соң, 12 мамырда ол ауруханадан шығарылды.
Алматы, NEGE. Қастандық жасаған күдікті ретінде Ернар Жиенбай айыпталып отыр. Ол бұған дейін «Тұрғын үй Шымкент» компаниясының директоры міндетін атқарған.
Қылмыстың нақты себебі әзірге белгісіз. Прокурор айыптау актісін әлі жариялаған жоқ. Бейресми нұсқалардың бірінде Берденов Жиенбайдың жұбайына тиіскен деген ақпарат тараған, ал Жиенбай оны қорғап, әрекетке барған делінеді. Алайда күдіктінің отбасы, соның ішінде әйелі бұл мәліметті бірден жоққа шығарып, зардап шеккен тарапқа жанашырлық білдірген.
Іс бойынша сот отырыстары алдағы уақытта жалғасады.
