Шымкент тәртіп сақшылары тұрғынның көлігінен қару тәркіледі
Шымкент тәртіп сақшылары тұрғынның көлігінен қару тәркіледі, – деп хабарлайды Polisia.kz.
Шымкент. NEGE. 10 ақпанда сағат 02:00 шамасында ЖПҚБ патрульдік полиция полкінің инспекторлары қызмет атқару барысында 24 жастағы жүргізушінің басқаруындағы Ваз-21014 автокөлігінің тоқтауын сұраған. Көліктің салонында екі жолаушы болған.
Автокөлікті қарау кезінде полиция қызметкерлері бір шолақ мылтық, пистолет пен пышақты тәркіледі.
Тәртіп сақшылары тез арада жедел-тергеу тобына хабар берді. Қаруды қайдан алғанын анықтау мақсатында азаматтарды Абай ауданы Полиция басқармасына жеткізген. Тексеру амалдары жүргізілуде. Ал автокөлік айыптұраққа қойылды. Аталған жайт бойынша тексеру жұмыстары аяқталғаннан кейін азаматқа қатысты құқықтық баға берілетін болады.