Шымкент көшелерін су басты
Шымкентте толассыз жауған жаңбырдан көшелерді су басты, деп хабарлады
Otyrar.kz.
Алматы, NEGE. 2023 жылдың 16-17 ақпанында қала аумағында нөсер жаңбыр жауды.
Төтенше жағдайдың алдын алу мақсатында департаментте жедел штабтың жұмысы ұйымдастырылды.
Қазығұрт шағын ауданындағы Бөгенбай көшесі бойында, Темірлан тас жолының бойында орналасқан "Закир" дүкенінің жанында суды айдап шығару жұмыстары жүргізілді.
Нұртас шағын ауданында ауланы су баспау үшін инертті материал салынған қаптарды төсеу жұмыстары жүргізілген.
Су шығару жұмыстары қалалық коммуналдық қызметтермен бірлесіп жүргізілді, онда 87 бірлік техника, 65 мотопомпа, жеке құрамның 173 адамы жұмылдырылды.
Жалпы 2508 текше метр су шығарылды, 800 қап инертті материал төселді. Үйлерді су басуына жол берілмеді.