Шымкент қаласында заңсыз жарнама жасаған құрылыс компаниялары жауапкершілікке тартылды
Қалалық прокуратура тұрғын үй құрылысына үлескерлердің қаражатын тарту мақсатында заңсыз жарнама жасаған 4 компанияны анықтады.
Алматы, NEGE. Прокурорлық қадағалау актісі бойынша кінәлілер ҚР ӘҚБтК 320-бабының 1-бөлігі (үлестік қатысу туралы заңнаманы бұзу) негізінде әкімшілік жауапкершілікке тартылып, 3 млн теңге айыппұл салынды.
Қала тұрғындарына үлестік құрылысқа қатыспас бұрын құрылыс компанияларының лицензиялары мен рұқсат құжаттарының бар-жоғын тексеріп, олардың құжаттарының дұрыстығына көз жеткізуге кеңес беріледі.
Үлескерлердің құқықтарын қорғау прокуратура органдары қызметінің басым бағыттарының бірі.