Шығыстағы елді мекеннен екі тоннадан астам қоқыс шығарылды
Шығыс Қазақстан облысында «Таза Қазақстан» акциясы аясында Белоусовка кентінен екі тоннадан астам қоқыс шығарылды, деп жазды 24.kz.
Алматы, NEGE.Экологиялық шараға еріктілер, «Аманат» партиясының мүшелері мен жастар қатысты. Оларға ауыл тұрғындары да көмектесіп, барлығы бірлесіп су қоймасының жағалауын ретке келтірді.
Өңірде республикалық акция бастау алғалы 80 мың аула мен 370 шақырым арық тазартылды. Қала мен аудандарда 50 мың жас көшет отырғызылды. Сонымен қатар қоқыс алаңдары да назардан тыс қалмады.
"Бұл шараға Белоусовка ауылының тұрғындары да біркісідей атсалысты. Акция “Мөлдір бұлақ” деген атаумен өтіп жатыр. Судың жағасы әп-сәтте тазаланып қалды",- деді Белоусовка кентінің тұрғыны Светлана Горбачёва.