Шығыс Қазақстанда өртенген пәтерден 3 адамның денесі табылды
15 наурызда Октябрь кентінің өрт сөндірушілеріне куәгерлерден Жаңа Бұқтырма кентінде орналасқан 5 қабатты үйдің 4-қабатындағы пәтерден қатты түтін шығып жатқандығы туралы қоңырау түсті, деп хабарлады ШҚО төтенше жағдайлар департаменті.
Алматы, NEGE. Өрт сөндіру бөлімшелері келген кезде зал бөлмесінде диван, кілем, ағаш еден жанып жатқан. Өрттің жалпы ауданы 4 шаршы метр.
Газ-түтіннен қорғау қызметінің өртті барлау және сөндіру барысында жатын бөлмесінде қайтыс болған 1973 және 1975 жылғы ер адамдардың және 1977 жылы туған әйел адамның денесі табылды.
Өрттің алдын-ала себебі: өртті абайсыз пайдалану.
Өрт сөндіруге 4 адам және 2 бірлік техника жұмылдырылды.
Азаматтардың қайтыс болу себебі анықталуда.