Шығыс Қазақстанда ауыл тұрғыны жабайы қабанды атып өлтірген
Шығыс Қазақстанда ауыл тұрғыны жабайы қабанды атып өлтірген, деп хабарлайды Polisia.kz.
Алматы, NEGE. Глубокое ауданының тұрғыны заңсыз аң аулады деген күдікке ілінді. Жедел-профилактикалық іс-шараларды өткізу барысында Күршім ауданының полицейлері Глубокое ауданының 46 жастағы тұрғынын ұстаған.
Ол тиісті құжаттары жоқ Иж-5 тіркелмеген тегіс ұңғылы мылтықпен қабанды атып өлтірген. Оқиға орнынан құқық қорғау органдары заттай дәлелдемелер: мылтық, гильзалар және қабанның ұшасын тәркілеген. Шығын миллион теңгеден асады.
Аталған факті бойынша күдіктіге қатысты ҚР ҚК-нің 337-бабы 1-бөлігі (Заңсыз аңшылық) бойынша қылмыстық іс қозғалды. Аталған баптың ең жоғарғы санкциясы бойынша үш жылға дейін бас бостандығынан айыру түріндегі жаза көзделген.