Шығыс Қазақстанда сілеусін ауыл ішіне кіріп кетті
Шығыс Қазақстан облысы Шемонаиха ауданында сілеусін ауыл ішіне кіріп кетіп, мысыққа тап берген, деп жазды Kazinform.
Алматы, NEGE. Әлеуметтік желіде Шемонаиха ауданындағы бірнеше елді мекенде сілеусін жүргені жайлы видеолар тарады. Түз тағысы Первомайский ауылында мысыққа атылса, Жаңа Бұқтырма кентіндегі демалыс базаларының ішіне кіріп кеткен.
Тұрғындар бұл туралы полицияға хабарлаған. ШҚО Полиция департаментінің мәліметіне сүйенсек, қазір сілеусін табиғи ортаға жіберілді.
- Полицияға Первомайскийдегі Металлургтер көшесінде сілеусіннің үй жануарларына тап бергені туралы хабар түсті. Учаскелік инспектор сол жерге қорықшы мен табиғатты қорғау полициясының қызметкерлерін шақырды. Олар сілеусінді ұстап, табиғи ортаға жіберді, - деп хабарлады департаменттің баспасөз қызметінен.
Қазір оқып жатыр
Қазақстан КҚК арқылы мұнай тасымалдайтын кемелерге жасалған шабуылды айыптады
Алматыда Altyn City тұрғындары 40 градус аптапта жарықсыз қалып, жолды жапты
«Қайратпен» келіссөздер жүріп жатыр: Канье Уэстің концертіне билет сату кейінге шегерілді
Саканың хет-тригі Англияға әлем чемпионатының қола жүлдесін әкелді
