Шығыс Қазақстанда қарлы бораннан бірнеше ауыл жарықсыз қалды

Алматы, NEGE. Шығыс Қазақстан облысында ауа райы күрт бұзылды.

Кеше қарлы бораннан жол бірінен соң бірі жабылып, апат көбейген.

— Автокөлік Осинов және Өмеш асуларынан жыраға құлап кетті Сондай-ақ Өскемен-Риддер, Өскемен-Шемонаиха, Өскемен-Тарғын-Самар тасжолдарында жол-көлік оқиғалары көп болды.

«Қатты боран мен жолдың дұрыс көрінбеуі салдарынан көлік қозғалысы шектеліп жатыр. Абырой болғанда, осы демалыс күндері өңірде ірі жол апаты болған жоқ, — деп хабарлады ШҚО полиция департаментінен.

Ал Күршім ауданында қатты желден электр желісі үзіліп, бірнеше ауыл жарықсыз қалған. Солардың ішінде аудан орталығы — Күршім ауылы да бар.

Жергілікті әкімдіктің мәліметінше, қазір қалпына келтіру жұмыстары жүргізіліп жатыр.