Шетелдіктер Астанадағы ломбардтардың бірінен 46 млн теңгені ұрлап кеткен
Астанада полиция алтын ұрлағандарды ұстады, деп хабарлайды Polisia.kz.
Алматы, NEGE. Тергеу барысында бес адамнан тұратын топ қылмысты алдын ала мұқият жоспарлағаны анықталды.
Олар ломбардтың кілтін алып, ондағы қызметкер түскі үзіліске шыққан сәтті күткен. Одан соң олар ішке кіріп, жалпы құны 45 миллион теңге болатын 654 алтын бұйымды, сондай-ақ кассадан бір жарым миллион теңгеден астам ақшаны ұрлап кеткен.
Күдіктілер оқиға орнынан қашып, қаладан ізін суытып, елдің батыс аймағына бет алған.
Жедел-іздестіру іс-шараларының нәтижесінде полицейлер күдіктілерді Орал қаласындағы үйлердің бірінің ауласында ұстады, онда олар тұрғын үйді жалға алмақ болған.
Күдіктілердің басқа елдің азаматтары екендігі анықталды. Қазіргі уақытта олар қамауда.
Осы факті бойынша сотқа дейінгі тергеу жүргізілуде.