Шетелдік инвесторлар Qazaq Air-ді сатып алуға ниетті
Qazaq Air компаниясын сатып алуға бірқатар инвестор өтінім берген. Мұны «Самұрық-Қазына» ұлттық әл-ауқат қорының экономика және қаржы жөніндегі тең басқарушы директоры Мират Өтепов мәлім етті, деп хабарлады Kazinform.
Алматы, NEGE. «Ресми ақпарат шыққанға дейін мұның (Qazaq Air компаниясын жекешелендіру — автор) мән-жайын айтуға құқым жоқ. Менің білуімше, бірқатар жергілікті және шетелдік инвесторлар өтінім беріп үлгерді. Оларға компанияның ақпаратымен танысуға рұқсат етілді. Қазір олар сол мәліметті зерделеп, талдап жатыр», — деді Мират Өтепов баспасөз мәслихатында.
Еске салайық, тамыз айында «Самұрық-Қазына» Qazaq air авиакомпаниясын сатылымға шығарды.
