Дүние
Шетелден заңсыз жолмен дүние-мүлік сатып алғандардың тізімі жарияланды
Жүздеген әлемдік көшбасшының шетелден заңсыз жолмен сатып алған дүние-мүлкі белгілі болды.
Алматы, NEGE. Жүздеген әлемдік көшбасшының, саясаткер мен миллиардердің құпия мәмілелері мен жасырын активтері туралы мәлімет сақтаулы «Пандора құжаттары» жария болды. Журналистердің халықаралық консорциумы 17 ел бойынша зерттеу жүргізіп, 12 миллионға жуық файл жинақтаған. Сырт елдерден заңсыз жолмен дүние-мүлік сатып алған және оффшорға ақша тыққандардың тізімінде Британияның экс-премьері Тони Блэр бар.
Ол Бахрейн министрінен оффшорлық компания сатып алып, бірақ 400 мың доллар салығын төлемеген. Кения президенті Ухуру Кениатта сырт елдегі банкке 30 миллион доллар аударған. Кениата әулетінің атында Панама мен Британиялық Виргиния аралында тіркелген 7 компания бар болып шықты. Аталған тізімде Эквадор, Чили және Доминикан президенттерінің есімі де кездеседі. Сондай-ақ Иордания королі Абдолла Екіншінің, АҚШ пен Ұлыбританиядан 14 үйді астыртын сатып алғаны айтылады. Олардың қатарында Чехия премьер-министрі Андрей Бабиш бар. Ол осыдан 12 жыл бұрын Францияның оңтүстігінен 22 миллион долларға қамал-үй сатып алған.