Шетелден ұшып келген 276 жолаушы карантинге жатқызылды
Қазақстанға ұшақпен келген 276 жолаушы ПТР анықтамасы болмағандықтан карантинге жатқызылды. Бұл туралы ҚР Көліктегі бас мемлекеттік санитар дәрігері Садуақас Байғабылов айтты.
Алматы, NEGE. «Осы жылдың 17 қазан күні түнде 16 әуе рейсімен келген 1 527 жолаушының 1 251-і анықтамамен, 276-сы анықтамасыз жетті. Оның ішінде Нұр-Сұлтан қаласына 6 рейспен келген 656 жолаушының 528-інде анықтама болды, 128-інде анықтама болмады. Алматы қаласына 9 рейспен келген 764 жолаушының 622-сінде анықтама болса, 142-сінде анықтама жоқ болып шықты. Ал Ақтауға 1 рейспен 107 жолаушы келді. Жолаушылардың 101-інде анықтама бар, алтауында жоқ», - деді ол. Оның дерегінше, ұшып келген Қазақстан азаматтарының 82 пайызы ПТР анықтамамен сапарға шыққан. «COVID-19-ға арналған ПТР анықтамасы жоқ Қазақстан азаматтары ПТР тест тапсыру үшін екі күндік карантинге орналастырылды», - деді Садуақас Байғабылов.
Қазір оқып жатыр
«Бір ғана өтінішіміз – бостандығымыздан айырмаңыздар»: Жанабыловтар сотта жылап тұрып кешірім сұрады
Қазақстандықтарға шенген визасын алу жеңілдейді: келіссөз қашан аяқталады?
Прокурор ерлі-зайыпты Жаныбыловтарды 4 жылға бас бостандығынан айыруды сұрады
Алматылықтардың көлік салығы 7 млрд теңгеден асқан
