Шетелден әкелінген 60 тонна қызанақтан вирус табылды
Шекарадан қатерлі азық-түлікті өткізбеуге Ауыл шаруашылығы министрлігі агроөнеркәсіп кешеніндегі мемлекеттік инспекция комитеті жауапты. Биыл комитет Түркістан облысында осындай зарарлы 60 тонна өнімді анықтаған, деп хабарлайды Kazinform.
Алматы, NEGE. Биыл Түркістан облысындағы қазақ-өзбек шекарасы арқылы шет мемлекеттерден 1 075 автокөлікке тиелген 15 637,802 тонна қызанақ өнімі импортталған.
Ал фитосанитария талабына (фитосанитариялық сертификаты жоқ, таңбасы жоқ) сай келмейтін 8 көлікке тиелген 29,522 тонна қызанақ өнімі өз еліне кері қайтарылған.
Сонымен қатар, өнімнің жасырын зарар жұқтырғанын анықтау мақсатында шетелден әкелінген қызанақ, баялды, тәтті бұрыштың әрбір партиясына тиісті карантиндік фитосанитария сараптамасы (ПТР) жасалған.
Нәтижесінде Түрікменстан Республикасынан әкелінген — 56,1 тонна, Өзбекстан Республикасынан — 4,2 тонна қызанақтан «қызанақ жемісінің қоңыр қатпарлы вирусы» табылған.
Өнімдерді кіргізуге тыйым салынып, келген жағына қайтарылды.
Бұдан бөлек, жыл басынан бері фитосанитариялық бақылау бекеттерінде талапқа сай келмейтін 497,624 тонна карантинге жатқызылған өнім кері қайтарылған.
Қазір оқып жатыр
Ең қымбат күзетші. Инвестициялық қор НЕГЕ өзін-өзі асырай алмай қалды?
Әлеуметтік желілер мен интернетте заңсыз үгіт-насихат жүргізгені үшін айыппұл салынбақ
Ақтауда әскери бөлім командирі сарбаз өліміне байланысты сотқа тартылмақ
Атыраудағы отбасы қазасы: қызы туыстарының өліміне қатысы жоқ деп танылды
