Шерзаттың өліміне қатысты сотта дүкеннің бақылау камерасындағы бейнежазбалар қаралды
Бүгін Шерзат Полаттың өліміне айыптау туралы іс бойынша кезекті сот отырысы өтті.
Алматы, NEGE. Сот куәлерден жауап алуды аяқтап, сотталушылардан жауап алуға кірісті.
Сот отырысы барысында сотталушылардың адвокаты мемлекеттік айыптаушыға қарсылық білдірді. Сот қаулысымен бұл өтінішхат қанағаттандырусыз қалдырылды. Сондай-ақ сотталушы Д.Әскентайдан жауап алынды, одан кейін дүкеннің бақылау камерасындағы бейнежазбалар қаралды.
Бұл бейнежазбалар сот процесінің маңызды дәлелдерінің біріне жатады. Кадрлар 2024 жылғы 3 қазан күні сағат 23:00 шамасында түсірілген. Видеодағы іс-әрекеттер оқиғаға кімнің қандай деңгейде қатысы барын анықтауға көмектеседі.
Келесі сот отырысы 2025 жылдың 15 мамырына сағат 10:00-ге белгіленді.