Шерзаттың әпкесі халықтан кешірім сұрады
Талғарда кісі қолынан қаза болған марқұм Шерзат Полаттың әпкесі Бақыт Реймова халықтан кешірім сұрады.
Алматы, NEGE. – Мені де түсініңіздер. Екі бауырымнан айырылып отырған маған да оңай емес. Сол күні ашу үстінде болдым. Біреу мені қорқытып, айтқызып жатыр деп ойламаңыздар. Мен де өз қатемді білем. Қазақ еліне басымды ием, рақмет айтамын! Қаншама пікірді жылап тұрып оқыдым. Елден кетпес үшін мен үшін дұға жасап жатқандар бар екен. Рақмет! Алла разы болсын. Отбасыларыңыз аман болсын, – деді желіде тараған видеода Бақыт Реимова.
Еске сала кетейік, Бақыт Реимованы полиция ағасы Қаржаубай Нұрымовпен қатар 15 тәулікке қамаған еді.