Шерзат ісінде куәгер деп танылған қыздарға қатысты іс қозғалды ма?
Шерзат Полаттың өліміне қатысты істе бірінші сатыдағы сот Д.Жақсыгелді, Э.Нұрбекова, А.Казакенов және Ю.Рузбакиевтің әрекеттерінде прокурордың назарын аудару туралы жеке қаулы шығарды, деп хабарлады Kazinform.
Алматы, NEGE. Апелляциялық сот жеке қаулыны өзгеріссіз қалдырып, үкім заңды күшіне енді.
Алматы облысының прокуратурасы сот қаулысына байланысты қандай жұмыс атқарылғанын айтты.
«Д.Жақсыгелді, Э.Нұрбекова, А.Казакенов және Ю.Рузбакиевтің әрекеттеріне қатысты сот шығарған жеке қаулы бойынша, облыс прокуратурасы оны ақпараттарды есепке алу кітабына тіркеп, процестік шешім қабылдау үшін құжаттар Алматы облысының полиция департаментіне жолданды», – делінген Алматы облысы прокурорының орынбасары Абылайхан Оңдасын жауабында.