Шерзат ісі бойынша айыпталушылардың адвокаттары прокурорды ауыстыруды сұрады
Бүгін Жетісу облысының қылмыстық істер жөніндегі мамандандырылған ауданаралық сотының ғимаратында Шерзат Полаттың өліміне айыптау жөніндегі іс бойынша кезекті сот отырысы өтіп жатыр.
Алматы, NEGE. Бүгінгі сот отырысында айыпталушы Дархан Әскентайдан жауап алынып жатыр. Прокурор Дана Сәрсенбай айыпталушы Дархан Әскентайға сұрақтар қойған кезде оның қораушысы прокурорға қарсылық білдіретінін мәлімдеді. Бұл қарсылықты қорғаушы тарап қолдады.
Олардың сөзінше, прокурор Дана Сәрсенбай сотталушыны шатастырып, қысым көрсетіп жатыр. Оның үстіне кәсіби біліктілігімен істі зерделемеген дейді адвокаттар.
Судья шешім шығару үшін кеңесу бөлмесіне кетті