Шерзат ісі: Сотталушылардың адвокаттары мен туыстары журналистерді сот залына кіргізуге қарсы болды
Бүгін Шерзат Полаттың өліміне қатысты айыпталған 8 сотталушыға қатысты апелляциялық сот Қонаев қаласындағы Алматы облыстық сотында өтіп жатыр. Сот процесінен тілшіміз тікелей репортаж жасайды.
Алматы, NEGE. Шерзат Полаттың өліміне қатысты іс бойынша апелляциялық сотқа журналистерді «сот залында орын жоқ» деген желеумен кіргізбей қойды.
Сот отырысының басында операторларды кіргізгенімен, олардың процессті түсіруіне айыпталушылардың қорғаушылары мен туыстары қарсы шықты. Сол себепті судья операторларды да залдан шығару туралы шешім қабылдады.
Журналистерге бөлек бөлмеде онлайн трансляция ұйымдастырылған. Алайда трансляцияның даусы дұрыс естілмей, тоқтатылды. Журналистер сот отырысын телефоннан тыңдап отыр.
