28 Мамыр 15:39
...
Шерзат ісі: Басты күдікті Абзал Шынасылдың адвокаты судьяны ауыстыруды сұрады
Бүгін Жетісу облысының қылмыстық істер жөніндегі мамандандырылған ауданаралық сотының ғимаратында Шерзат Полаттың өліміне айыптау жөніндегі іс бойынша кезекті сот отырысы өтіп жатыр.
Алматы, NEGE. Күннің бірінші жартысында сотталушы А.Н.Шынасылдың қорғаушысы Ж.Қ.Әбенов төрағалық етуші судья Е.С.Жанұзақовқа қарсы шағым түсірді.
Қылмыстық-процестік кодексінің 87-бабының 11-бөлігіне сәйкес істі жалғыз қарайтын судьяға қарсы шағымды сот төрағасы немесе соттың басқа судьясы шешеді. Заңның осы нормасын негізге ала отырып, шағымды сол соттың судьясы А.А.Беймбетов қарайды.
Сот процесінің нақты басталу уақыты қосымша хабарланады.
