Шерзат Болаттың өліміне қатысты ашық сот өткізіле ме?
Алматы облысының прокуратурасы сотты ашық өткізуге өтініш береді.
Алматы, NEGE. Бұл туралы Алматы облысының прокуроры Берік Адамов мәлімдеді.
«Талғардағы қылмыстық іске қатысты тергеу қарқынды жүргізіліп жатыр. Бұл қайғылы оқиға барлығымызды бей-жай қалдырмады. Әр әке-шешеге баласын жоғалту – үлкен қайғы. Бүгін барлығымызға әділ және шынайы тергеу жүргізу қажет. Біздің тарапымызыдан тергеудің заңдылығы мен толықтығы объективті қамтамасыз етіліп жатыр. Тергеу сатысында ешқандай заң бұзу анықталған жоқ. Сот процесінің ашық өтуі бойынша прокуратура сотқа ашық хат енгізуді қарастырады», - дейді Берік Адамов.
Қылмыстық іс бойынша бір ұңғылы мылтық пен үш пышақ тексеріліп жатыр. Олардың кімге тиесілі екеніне сараптама жүргізілуде.