13 Қараша 09:38
...
Шерхан Қалмұрза ойнаған құрам Еуро-2026 іріктеуінде жеңіске жетті
Қазақстанның U19 жасөспірімдер құрамасы Еуро-2026 іріктеу кезеңінің алғашқы матчында Ирландия командасын жеңді. Бұл туралы Vesti.kz хабарлады.
Астана, NEGE. 1-топтың іріктеу кезеңіндегі алғашқы ойында Кирилл Кекердің шәкірттері Ирландия құрамасымен кездесті. Матч Нидерландтың Одензал қаласында өтті.
Қазақстан құрамасының негізгі сапында «Қайрат» клубының қақпашысы Шерхан Қалмұрза алаңға шықты. Ол қақпаға бағытталған бірнеше допты тосып, команданы гол соғудан құтқарып қалды.
Кекер командасы кездесуді 1:0 есебімен жеңіспен аяқтады. Жалғыз голдың иесі –алматылықтардың тағы бір шабуылшысы Азамат Тұяқбаев.
