Шекарашылар 300 миллион теңгеден аса қаржыны заңсыз әкетпек болғандарды әшкереледі
2022 жылғы 24-31 қаңтар аралығында Шекара қызметінің аумақтық бөлімшелері шетелге қаражатты заңсыз шығару әрекеттерінің алдын алды, - деп хабарлайды Tengrinews.kz.
Алматы. NEGE. ҰҚК мәліметінше, шекарашылар жалпы сомасы 311 526 967 теңге болатын декларацияланбаған шетел валютасын алып шығудың 24 дерегін (Нұр-Сұлтан, Алматы, Түркістан, Ақтау, Өскемен қалаларында) анықтаған.
Материалдар құзыреттері бойынша мемлекеттік кірістер және экономикалық қылмыстарды тергеу органдарына берілген.
"ҰҚК Шекара қызметі Қазақстаннан тыс жерлерге шығатын азаматтарға ірі көлемде ақша (он мың АҚШ долларынан астам) алып шығудағы заң талаптарын сақтауды және декларациялау қажет екенін еске салады", - делінген хабарламада.
Бұған дейін Қазақстанда елден заңсыз ақша шығаруға бақылау күшейтілгені хабарланған болатын. Бұйрықты Ұлттық банк Қаржы мониторингі агенттігі және Қаржы нарығын реттеу және дамыту агенттігімен бірлесіп қабылдаған.
Қазір оқып жатыр
Әл-Фарабидегі жол апаты: Zeekr жүргізушісі 10 жылға бас бостандығынан айырылды
ҰБТ басталған алты аптаның ішінде 624 талапкердің нәтижесі жойылған
CTS Астанадағы LRT-ның келесі кезеңіне Қытай биржасынан инвестиция тартыла ма?
Мәжіліс төрағасы Брест қамалы музейіне Хиуаз Доспанованың мүсінін сыйға тартты
