Шавкат Рахмоновтың UFC-дегі келесі жекпе-жегі туралы мәлімет пайда болды
Қазақстандық файтер Шавкат Рахмонов (16-0) пен америкалық Стивен Томпсонның (16-6-1) кездесуі шамамен қашан өтетіні белгілі болды, деп хабарлайды Vesti.kz.
Алматы, NEGE. Кездесудің нақты кестесі белгісіз, бірақ шамамен 2022 жылдың соңында болады деген болжам бар. Рахмонов - Томпсон жекпе-жегінің жеңімпазы жартылай орта салмақтағы үздік бестік қатарына кіруге үлкен мүмкіндік алмақ.
Естеріңізге сала кетейік АҚШ-тың Лас-Вегас қаласында (Невада штаты) өткен UFC Vegas 57 турнирінде Рахмонов екінші раундта америкалық Нил Мэгниді қылқындыру әдісімен жеңген еді. Осы кездесуден кейін қазақстандық файтер Томпсонды жекпе-жекке шақырды.
