Спорт
Шавкат Рахмоновқа жекпе-жектерге дайындалу үшін қаржы бөлінеді
Мәдениет және спорт министрі Асхат Оралов Шавкат Рахмоновпен кездесті.
Алматы, NEGE. Министр кездесу барысында Шавкат Рахмоновқа жекпе-жектерге дайындалу үшін қаржы бөлінетінін айтты.
"Бүгін Қазақстан спортының жарқын жұлдыздарының бірі-Шавкат Рахмоновпен жеке кездестім. Біздің жаужүрек спортшымыз бірінен соң бірі жеңіске жетіп, UFC-ді батыл қадамдарымен бағындырып, отандастарының жүрегіне мақтаныш сезімін сыйлап келеді.
Мен Шавкатты жақында американдық Джефф Нилмен болған жекпе-жекте жеңісімен тағы да құттықтадым және оған алғыс хат табыстадым. Сондай-ақ, ол келесі жекпе-жектерге дайындалу үшін спортты қолдау қорынан қаржыландырылады", - деп жазды министр фейсбук парақшасында.