Шавкат Рахмоновтың UFC-дегі келесі жекпе-жегі қашан өтетіні белгілі болды
Қазақстандық UFC файтері Шавкат Рахмонов жарақатынан толық айығып, октагонға оралуға дайындалып жатыр. Оның менеджері Саят Абдрахманов спортшының қазіргі жағдайы мен келесі жекпе-жек мерзімі туралы айтты.
Алматы, NEGE. Рахмонов келесі жылдың басында жекпе-жекке шығуы мүмкін
Саят Абдрахмановтың айтуынша, Шавкат мамыр айында Белал Мухаммедпен чемпиондық белбеу үшін кездесу өткізуі тиіс болған, алайда жарақатына байланысты бұл жекпе-жек өтпей қалған.
«Шавкатта денсаулыққа байланысты қиындықтар болды. Мамырда бізге Белал Мухаммедпен чемпиондық жекпе-жек ұсынылды, бірақ жарақатына байланысты ол қатыса алмады. Қазір толық қалпына келіп, жаттығуға кірісті. Болжам бойынша, қаңтардың соңы – ақпанның басында октагонға оралады», – деді менеджер.
Шавкат Рахмонов UFC 310 турнирінде 2024 жылдың желтоқсанында Иэн Мачадо Гэрриді жеңіп, 19-шы кәсіби жеңісін тіркеген.
Оның кәсіби рекорды – 19 жеңіс және бірде-бір жеңіліс жоқ. Жекпе-жектің басым бөлігі мерзімінен бұрын аяқталған. Қазір ол жартылай орта салмақта (welterweight) өнер көрсетеді.
Қазір оқып жатыр
Спорт министрлігі: «Асаубаеваның дайындығына 2026 жылы 100 млн теңге бөлінді»
«Ақ үйде досыңыз бар деп айта аламын»: Тоқаев Трамптың арнайы өкілімен кездесті
2025 жылға арналған барлық әлеуметтік міндеттеме орындалды – Мәди Такиев
Шахматшы Бибісара Асаубаева Спорт министрлігіне шағымданып Тоқаевтан көмек сұрады
