Спорт
Шавкат Рахмоновтың титулдық жекпе-жегі өтпейтін болды
Қазақстандық Шавкат Рахмонов пен Белал Мұхаммадтың жекпе-жегі өтпейтіні мәлім болды.
Алматы, NEGE. Vesti.kz сайтына титулдық жекпе-жектің өтпейтіні жайлы ақпаратты Рахмонов командасындағы дереккөз хабарлады.
Бірде-бір рет жеңілмеген қазақстандық Шавкат Рахмоновтың UFC 310 турниріндегі титулдық жекпе-жегі 8 желтоқсанға жоспарланған болатын. Жартылай орта салмақта чемпиондық белбеу үшін жекпе-жек Лас-Вегас қаласында, Невадада өтуі тиіс еді.
Айта кетейік, әлеуметтік желілерде промоушеннің чемпионы Белал Мұхаммадтың белгісіз себептермен жекпе-жектен бас тартқаны жайлы ақпарат тарады. Рахмонов қазір UFC 310 турнирінде басқа қарсыластармен келіссөздер жүргізуде.