Шарын шатқалы маңында туристер мінген автобус аударылды
2024 жылдың 27 мамырында сағат 10:20-да Алматы облысы, Кеген ауданының Еңбекшіқазақ ауданымен шекаралас аумағында туристер мінген автобус жол апатына ұшырады, деп хабарлады Алматы облысы әкімдігінің баспасөз қызметі.
Алматы, NEGE. Алдын ала ақпарат бойынша, автобус «Қазавтожол» желісіне жататын «Аласа» асуындағы күрделі жол бұрылысында жолдан шығып кеткен. Оқиға орнына дереу Кеген ауданынан екі жедел жәрдем бригадасы шықты.
Автобуста 37 адам болған. Кеген аудандық ауруханасына 5 адам, Жалағаш аудандық ауруханасына 4 адам, Шелек ауылына 4 адам жеткізілді. Зардап шеккендердің барлығы дәрігерлердің бақылауында.
Жол апатынан қаза тапқандар жоқ.
Қазіргі таңда жол апатына қатысты тергеу жүріп жатыр.
Қазір оқып жатыр
Wildberries қазақстандық кәсіпкерлерге өтемақы төлеу мәселесін министрлікпен талқылады
Аида Балаева журналист Александра Алеховаға шығарылған үкімге қатысты пікір білдірді
Жас мамандарды өңірлерге тарту: «Әділет» партиясы қандай бастамалар көтерді?
«Әншілер – шайтанның азаншысы» деген пікірге Діни басқарма өкілдері не дейді?
