Шанхайда садақ атудан Әлем кубогі мәресіне жетті
Садақ атудан Қазақстан командасы Қытайдың Шанхай қаласында өткен әлем кубогі кезеңін бір медальмен аяқтады, деп хабарлайды Olympic.kz.
Алматы, NEGE. Әлемдік додада блоктық садақ атудан Қазақстан әйелдер құрамасы қола жүлдегер атанды. Мұндай жеңіске садақшы қыздарымыз тұңғыш рет қол жеткізіп отыр.
Аталған сында Қазақстан намысын Адель Жексенбинова, Виктория Лян және Айжан Сейдахметова қорғады.
Қалған спортшыларымыз айтарлықтай жоғары нәтиже көрсеткен жоқ. Олимпиадашы Ильфат Абдуллин іріктеу кезеңінде 9-орыннан көрінді.