Шахтинскіде газ жарылысы: күдікті ұсталып, іс қозғалды
Шахтинск қаласында болған газ жарылысына байланысты қылмыстық іс қозғалып, күдікті ұсталды.
Астана, NEGE. Қарағанды облысының Шахтинск қаласындағы көпқабатты тұрғын үйлердің бірінде газ-ауа қоспасының жарылысыны қатысты жаңа деректер жарияланды. Аталған өрт фактісі бойынша бөтеннің мүлкін қасақана жоюға әкеп соққан әрекет ретінде қылмыстық іс қозғалып, 40 жастағы күдікті қолға түсті.
Полиция департаментінің ақпарынша, қазіргі уақытта ол Шахтинск қалалық ауруханасының арнайы палатасына жатқызылып, күзетке алынды.
«Сауығып шыққаннан кейін ол уақытша ұстау изоляторына қамауға алынады», – деп хабарлады Қарағанды облысы ПД баспасөз қызметі.
Еске салсақ, Қарағанды облысындағы Шахтинск қаласында көпқабатты үйде газ баллоны жарылып, салдарынан 8 адам зардап шеккен. Оның бесеуі – полиция қызметкері.
