Шахматшы қыз Жансаяның кезекті жеңісі

Алматы, NEGE. Қазақстандық спортшы мұндай жарысқа алғаш рет қатысып отырғанымен, әлемнің ең мықты шахматшыларының үштігіне кірді. Алғашқы екі орынды грузиялық Нана Дзагнидзе мен ресейлік Александра Горячкина алды. Екі шахматшы да 11 турдан кейін жеті ұпайдан жинады, бірақ грузин ойыншысы қосымша көрсеткіштер бойынша турнирді жеңді. Дзагнидзе рапид пен блиц бойынша әлем чемпионы, ал Горячкина – әлем чемпионы атағына үміткер.

Әбдімәлік 6,5 ұпай жинап, турнирдің жеңімпазынан ғана ұтылып қалды. Сонымен қатар, қазақстандықтың турнир қорытындысы бойынша топ-10 ойыншылар қатарында рейтингі төмен болды.

Айта кету керек, турнирге классикалық шахмат бойынша төрт әлем чемпионы қатысты. Бұл қазіргі әлем чемпионы қытайлық Жу Вендзуй (тоғызыншы орын), ресейлік Александра Костенюк (11-ші орын), болгар ойыншысы Антоанета Стефанова (алтыншы орын) және украиналы Мария Музычук (сегізінші орын). 

Сондай-ақ, турнирде рапид пен блицтен әлем чемпионы украиналық Анна Музычук пен Еуропаның қазіргі чемпионы Алина Кашлинская өнер көрсетті. Әбдімәлік екеуімен де ойнап, тең нәтиже көрсетті.