Сеулдегі қайғылы оқиға кезінде ақтөбелік студент қыз қаза тапты
Сеулдегі трагедияға байланысты тәулік бойына жұмыс істеп жатқан Кореядағы ҚР елшілігінің бөлімі қаза тапқандар арасынан Қазақстан азаматының анықталғанын жеткізді.
Алматы, NEGE. Сеул қаласының жедел штабы мен полициясының мәліметінше, Итэвон ауданындағы қайғылы оқиға салдарынан қаза тапқандардың арасында 1996 жылғы Ақтөбе облысының тумасы табылды. Ол Корея Республикасының жоғары оқу орындарының бірінің студенті болған.
- Қазақстандық дипломаттар қаза тапқан азаматтың туыстарымен байланысқа шығып, құжаттарды ресімдеуге және мәйітті Қазақстанға одан әрі жеткізуге барлық қажетті көмек көрсетуге дайын, - деді ҚР СІМ баспасөз қызметі
Айта кетсек, Сеулде көптеген ойын-сауық орындары орналасқан Итэвон аймағындағы тар көшемен жылжыған топ адамдар есінен танып, кейбірі аяқ астында қалып, таптап кеткен.
