Серік Шәпкенов Freedom Holding Corp. компаниясының бас директорымен кездесті
Тараптар бейнебақылау жүйелерін кеңейту перспективаларын, «Ақылды қала» жобасының құрамдастарын дамыту, сондай-ақ цифрландыру, заманауи технологияларды енгізу және әлеуметтік маңызды бастамаларды іске асырудағы алдағы ынтымақтастық жөнінде сөйлесті
Тимур Турлов компанияның аймақпен ұзақ мерзімді әріптестікке дайын екенін айтып, бизнес пен мемлекеттің өзара іс-қимылының маңызын, сондай-ақ Атырау облысының тұрақты және технологиялық даму әлеуеті жоғары екенін атап өтті.
Атырау облысы әкімдігі
Серік Шәпкенов Freedom Holding Corp. компаниясының былтырғы су тасқыны кезінде көрсеткен қолдауына алғыс білдіріп, бірлесе қызмет етудің маңызына тоқталды.
Кездесу соңында Атырау облысы әкімдігі, Freedom Holding Corp. және «Көркем Телеком» ЖШС арасындағы үшжақты ынтымақтастық туралы меморандумға қол қойылды.
Атырау облысы әкімдігі
Меморандум және әлеуметтік инвестициялар аясында 23 мектепте спорт алаңын салу, сол нысандардағы қауіпсіздік деңгейін арттыруды көздейтін кешенді шараларды жүзеге асыру қарастырылған.
Атырау облысы әкімдігі
Тараптар алда бірлескен жобаларды пысықтауға келісті.