Серік Сәпиев тағы бір қызметке тағайындалды
Олимпиада чемпионы Серік Сәпиев Қазақстан бокс федерациясы президентінің кеңесшісі қызметіне тағайындалды.
Астана, NEGE. Жаңа қызметінде Серік Сәпиев бокс құрамаларының нәтижесін жақсарту, спорт түрін дамыту және Олимпиада ойындарында жоғары жетістікке жету бағытында еңбек етеді.
Естеріңізге сала кетейік, 21 қаңтар күні бокстан Олимпиада чемпионы Серік Сәпиев пен оның орынбасары – самбодан әлем чемпионы Дәурен Есімханов арасында шыққан жанжал соңы төбелеске ұласып, салдарынан боксшы дене жарақатын алған.
- Тақырыпқа орай: Сәпиев vs Есімханов: сонымен кім кінәлі?
Серік Сәпиев Қарағанды облысының дене шынықтыру және спорт басқармасының басшысы қызметін атқарған, ал Дәурен Есімханов оның орынбасары болған.
Көп ұзамай Сәпиев видеоүндеу жасап, Дәурен Есімхановпен арадағы жанжалдың себебін түсіндірді. Артынша Дәурен Есімханов та мәлімдеме жасады.
Аталмыш жағдайдан кейін Сәпиев те, оның орынбасары Есімханов та қызметінен кетті.
- Тақырыпқа орай: Сәпиевке бірден жаңа қызмет табыла кетті
