Серік Күдебаев сотта соңғы сөзін айтты (видео)
Бұған дейін шетелге қашып кеткен Алматы облысы полициясының экс-басшысы Серік Күдебаевтың Талдықорғанда соты өтіп жатыр. Оның сотта соңғы сөзін айтқан видеосы жарияланды.
Алматы, NEGE. «Айттым ғой, рахмет. Мен кінәлі емеспін. Өз халқыма оқ атқан жоқпын. Ешқандай азаптау болған жоқ. Жәбірленуші барлығын теріске шығарып тұр. Бар айтарым осы», - деді Күдебаев.
Естеріңіз сала кетейік, Қаңтардағы жағдай бойынша күдікке ілінген генерал Серік Күдебаев Бішкек арқылы Түркияға қашып кеткен болатын. Прокуратура экс-басшының Түркияда ұсталғанын хабарлаған.
Алайда, Серік Күдебаевтың ұлы Арман Мырзақұлов Түркияда әкесінің ұсталғаны туралы Бас прокуратураның мәлімдемесін жоққа шығарды.