Семейде жүріп бара жатқан жолаушылар автобусы өртенді
Семей қаласындағы Қаржаубайұлы көшесінде жолаушылар автобусы қозғалыс кезінде отқа оранды.
Астана, NEGE. Төтенше жағдайлар министрлігінің мәліметінше, оқиға орнына құтқарушылар жедел жетіп, өртті сөндірген.
Абырой болғанда, ешкім зардап шеккен жоқ. Өрт шыққан кезде автобустың ішінде жолаушылар болмаған.
Әзірге өрттің неден шыққаны белгісіз.
ТЖМ көлік иелеріне автобустар мен басқа да көліктердің техникалық жағдайын, әсіресе электр жабдықтарын үнемі тексеріп отыруды ескертті.