Семейде вагон арасынан өтіп кетпек болған әйел көз жұмды
Оқиға 14 сәуір күні Семей қаласындағы «Жансая» базарының маңындағы теміржол өткелінде болды.
Алматы, NEGE. Вагон арасынан өтпек болған әйелді пойыз басып өткен.
Куәгерлер бірден көмекке жүгіріп, әйелді рельс астынан шығарып алған. Алайда ауыр жарақат салдарынан оқиға орнында көз жұмды.
Көлік полициясы департаменті қылмыстық іс қозғалғанын хабарлады. Қазір іс бойынша қажетті тергеу әрекеттері жүріп жатыр.
