Семейде кәмелетке толмаған балаларды зорлаған студент өмір бойына бас бостандығынан айырылды
Абай облысының қылмыстық істер жөніндегі мамандандырылған ауданаралық сотында жабық сот отырысында зорлау (ҚК-нің 120-бабының 4-бөлігі), сондай-ақ жас балаларға қатысты сексуалдық сипаттағы зорлық-зомбылық әрекеттері (ҚК-нің 121-бабының 4-бөлігі) фактісі бойынша 2004 жылы туған заң факультетінің студентіне қатысты қылмыстық істі қарады.
Алматы, NEGE. Айыптау қорытындысына сәйкес, сотталушының Семей қаласында 2022 жылдың мамыры мен 2025 жылдың қаңтар айларында 12 және 13 жастағы жас балаларға қатысты жасаған қылмысы анықталды.
Тергеу мәліметінше, ол қылмыстарды 2022 жылы және 2025 жылдың қаңтарында 12 және 13 жастағы жасөспірімдерге қатысты жасаған. Алғашқы эпизод кезінде айыпталушының жасы 18-де болған. Сот барысында студент өз кінәсін мойындамады және өзін ақтауды сұрады.
Кәмелетке толмағандарға зорлық әрекеттері үшін ер адам өмір бойына бас бостандығынан айырылды. Сондай-ақ ол педагогикалық және кәмелетке толмағандармен байланысты қызметтерді атқару құқығынан айырылды.
Үкім заңды күшіне енген жоқ.
