Аймақ
Семейліктер қоқыс жәшігіне Ахметов пен Байахметовтың фотосын іліп кетті
Семейде әлдекімдер «Жаңа Қазақстанға ескі қоқыссыз!» деп жазылған және облыс әкімі Даниал Ахметов пен оның орынбасары, қала әкімі Бақытжан Байахметовтің суреті бейнеленген плакаттарды қаладағы қоқыс контейлеріне жапсырып кеткен.
⠀
Нұр-Сұлтан, NEGE. Жаңа челлендж үш күннен бері жүріп жатыр. Тұрғындар соңғы кезде қаланың күл-қоқысқа толып, уақытылы тазаланбай жатқанына осылай назар аудармақ болған.
Қоқыс жәшігіне парақшаларды жабыстырғандардың әсіресе қала әкімі Бақытжан Байахметовке ашулы екенін аңғаруға болады. Өйткені плакаттардың көбінде оның суреті мен қызметіне қатысты жағымсыз сөздер жазылған.
Ерекше флэшмобтың видеосы әлеуметтік желіде жаппай тараған соң, әлдекімдер шенеуніктердің суреттерін контейнерлерден алып кеткен. Мұны көрген тұрғындар әкімдіктегілердің шашылып жатқан қоқысты емес, плакаттарды жинап әкеткеніне ашуланды.