Семейден ежелгі орман табылды
Семей өлкетанушылары қала маңынан көне ағаштардың қалдықтарын тапты, деп хабарлайды ҚазАқпарат
.
Алматы, NEGE. Жуықта «Прииртышье» өлкетану қоғамының мүшелері экспедициямен Мукур өзеніне барды. Аумақты зерттеу кезінде өлкетанушылар дөңнің үстінен ағаш діңі мен тамырына ұқсас ерекше тастарды тапқан. Өлкетанушы Павел Жуковтың айтуынша, миллиондаған жылдар бұрын Қазақстан жеріне «Ежелгі Тетис мұхиты» деп аталатын теңіз толқындары шайып тұрған. Ол заманда материктердің орналасуы басқандай еді. Жер қабаттарының қозғалысы мұхит тереңдігі мен жағалаудың сұлбасын өзгерткендіктен сондағы өсімдіктер суға түсіп кеткен. «Биологиялық қалдықтар әр түрлі минералды тұздардың шоғырлану орталығына айналды. Қабаттар көтеріліп, мұхит кеткеннен кейін, қазір біз тұрған аумақ шөгінді жыныстардың орталығы болған. Осы өңірдің көп бөлігін сары, сарғыш шөгінді жыныстар алып жатқанын көрдік. Бұл темір тұзы. Бірақ кейбір ағаш діңдері тұрған жерде марганец тұзы шоғырланған. Олар түсімен, құрамымен және сыртқы түрімен ерекшеленеді. Пайымдауымызша, біз марганец тұзы шоғырланған ежелгі ағаштардың қалдықтарын таптық», - деді П.Жуков.