Семейде жолаушылар мінген автобус өртенді
Семей қаласында жолаушылар толы қоғамдық автобус жолда жүріп келе жатып өртеніп кетті, деп хабарлайды Ulysmedia.kz.
Алматы, NEGE. 8 желтоқсанда сағат 13:00 шамасында өрт сөндіру қызметіне "Шығыс сол жақ" саяжай алабындағы "6 саяжай"аялдамасында өрттің шыққаны туралы хабарлама келіп түскен.
Өрт №56 жолаушылар автобусын да шарпып өткен. Оқиға орнына келгеннен кейін өрт сөндірушілер 2011 жылы шығарылған қытайлық "Antong" маркалы автобустың өртеніп кеткенін анықтады. Өрт 3 шаршы метр аумақты қамтып, көліктің қозғалтқыш бөлігіне, бақылау тақтасына және жүргізуші орындығына жайылған.
Өрт сөндірушілер мен құтқарушылар келгенге дейін жолаушылар жанып жатқан автобустан өздері сәтті эвакуацияланғаны белгілі болды. Олардың ешқайсысы зардап шеккен жоқ. Өрт сөндірушілердің үйлестірілген әрекеттерінің нәтижесінде өрт 10 минуттан кейін оқшауланып, оны толығымен жою үшін 25 минут қажет болды.
Қазір оқып жатыр
«7 айда жауап алуға екі-ақ рет шақырды»: Алматыда журналист Гүлнар Бажкенованың соты басталды
Терроризмге қарсы қорғанысты әлсіреткені үшін 263 басшы айыппұл арқалады
Қазақстан Ресейге жанар-жағармай жеткізу мүмкіндігін қарастыруға дайын
Мемлекеттің заңсыз әрекетінен келген зиянды өтеу құқығы Конституцияда бекітілді
