Сексуалды құлдықта болған жасөспірімнің анасына айыппұл салынды
Қызылордада сыныптастары тарапынан сексуалды құлдықта болған 16 жастағы қыздың анасы әкімшілік жазаға тартылды.
Астана, NEGE. Kazinform мәліметінше, мәселені кәмелетке толмағандардың істері жөніндегі Қызылорда облыстық мамандандырылған ауданаралық соты қарады.
Әкімшілік құқықбұзушылық туралы кодекстің 127-бабының 1-бөлігінде көзделген әкімшілік құқық бұзушылық жасағаны үшін, яғни кәмелетке толмаған адамды тәрбиелеу және (немесе) оған білім беру, оның құқықтарын және (немесе) мүдделерін қорғау жөніндегі міндеттерді, қауіпсіздігін қамтамасыз ету жөніндегі шараларды орындамағаны үшін кәмелетке толмаған жәбірленушінің ата-анасына қатысты әкімшілік іс қаралып, оған айыппұл салу жазасы тағайындалды,- делінген хабарламада.
Соттың мәліметінше, жәбірленушінің анасы тағайындалған айыппұл сомасын 30%-ға қысқартылған түрде, яғни 7 АЕК (27 524 теңге) көлемінде төлеуі тиіс. Қаулы әлі заңды күшіне енген жоқ.
Айта кетейік, бұған дейін Қызылордада оқушылар сыныптасын жезөкшелікпен айналысуға мәжбүрледі деген күдікке ілінген болатын.
Қазір оқып жатыр
«Жасанды тыныс алу аппараты болмаған»: Қарағандыда бүлдіршіннің өліміне қатысты тексеріс жүргізіледі
Алматының Әл-Фараби даңғылында жарыс ұйымдастырған жүргізушілер жауапқа тартылды
Астанада Умраға жоқ жолдаманы сатып, 17 қажыны алдаған алаяқ сотталды
Астанадағы өрт салдарынан қаза тапқан 3 баланың анасы есін жиды
