Сейфуллин Жолбарыс орыс әйеліне халық әндерін айтқызбақ
2 қазан күні жеке кешін беретін әнші Екатерина атты келіншегінің сахна төрінде төбе көрсететінін айтты.
Алматы, NEGE. Бұл есеп беру кешін Сейфуллин өзінің мерейлі 50 жасқа және өнерде жүргеніне 30 жыл толуына байланысты орайластырған.
«Өздеріңіз білесіздер, басқа ұлттың қызы. Бұл кеште менің әндерімді және ең бастысы қазақ халық әнін орындайтын болады. Орыстың қызы халық әнінің иірімін келтіріп айтса, ол біздің қазақ өнерінің көтерілгені деп есептеймін. Сондықтан халық әнін айтқызып жатырмын», – деді әнші Stan.kz сайтына берген сұхбатында.
Сондай-ақ сазгер алғашқы некесінен туған Бейбарыс атты ұлының да кеш барысында өнер көрсететінін жеткізді. Осындай отбасылық кішігірім ансамблін «Tiger Band» деп атаған.
