Сөйле
Рысбек Сәрсенбайұлы: Арманым – басты қылмыскердің осы дүниеде жазасын алғанын көру
Бүгін бір топ азамат саясаткер Алтынбек Сәрсенбайұлының зиратына барып, құран бағыштады. Nege.kz тілшісі А.Сәрсенбайұлының бауыры Рысбек Сәрсенбайұлынан 15 жыл бұрын жасалған қанқұйлы қылмыстың жайын сұраған еді.
– Ақпанның 11-і күні жыл сайын аза тұтамыз. Бұл күнде ғана емес, жыл он екі ай бойы Алтыкенді еске алып, аза тұтамыз десем, қателеспеймін. Орны әлі толған жоқ, ойсырап тұр. Мен бауыр ретінде, артымнан ерген інім ретінде, ақылшым ретінде жоқтасам, ал ел саясаткер ретінде, тұлға ретінде жоқтайды. Қысылтаяң шақта ел Алтынбекті еске алады. «Әттең-ай, Алтынбек болса қалай болар еді?» дейді.
Қастандықты кім жасағаны, кім жасатқаны, қалай жасатқаны белгілі. Бірақ сол жауыздардың ең басындағысы жазаға тартылуы керек. Солардың жазаға тартылғанын көрсек дейміз, – деді Р.Сәрсенбайұлы.