Саясатқа бет бұрған Айжан Аймағанова жұмыстан кеткенін мәлімдеді
Бұрынғы экономика министрі Қуандық Бишімбаевтың сот процесінен кейін көпшілікке танылған прокурор Айжан Аймағанова прокуратура органдарындағы қызметінен кетіп, депутаттыққа үміткер ретінде ұсынылды.
Астана, NEGE. Оның есімі «Әділет» партиясының Құрылтай депутаттығына кандидаттар тізіміне енген.
Қазақстан заңнамасына сәйкес, құқық қорғау органдарының қызметкерлері саяси партия мүшесі бола алмайды. Осыған байланысты Аймағанова прокуратурадағы жұмысын тоқтатқанын мәлімдеді.
«Кандидат болып ұсынылуыма байланысты мен прокуратурадан жұмыстан шықтым. Бұл – заңның талабы, мен оны толық орындадым», – деп мәлімдеді Аймағанова.
Ол бұл шешімді саналы түрде қабылдағанын айтып, кәсіби тәжірибесі мен заң саласындағы білімі заң шығару жұмысына көмектесетініне сенім білдірді.
Аймағанованың сөзінше, ол азаматтарды толғандыратын мәселелерді шешуге үлес қосып, қоғаммен ашық диалог жүргізуге дайын. Сондай-ақ өзіне қолдау білдіргендерге алғыс айтып, алда атқарылатын жұмыс көп екенін атап өтті.
