Сати Казанова Құлыбаевқа қатысты құпияларын ашты
Әнші, актриса, модель әрі тележүргізуші Сати Казанова Надежда Стрелецтің YouTube каналына сұхбат беріп, қазақстандық миллиардер Тимур Құлыбаевқа қалай ғашық болғанын, не себепті одан бала туып алмағанын айтты.
Алматы, NEGE. Сати Казанова бұл сұхбатында Тимур Құлыбаевтың аты-жөні қалай әшкере болып қалғанын, Лера Кудрявцеваға сұхбат беріп отырғанда әлдекім оның аты-жөнін кадрдан тыс атап жібергенін осылайша «әлгі адамның» алдында қалай ыңғайсыз жағдайға қалғанын сөз етеді.
Сондай-ақ ол ғашығына қатысты бүй дейді: «Мен оны ешқашан ұмытпаймын. Бұл – ерекше махаббат. Ол мені сезінгеніндей, мен де оны сезіне білемін. Жақсы қасиеттері үшін оны көптеген әйелдер пайдаланып жүр...».
Сати Казанова Т.Құлыбаевтан не үшін бала туып алмағанына қатысты да ойын айтқан.
«Егер оны сүймесем, уайымдамасам, одан міндетті түрде бала туып алар едім. Бұл кепілдік қой», – дейді актриса.
