Сәтбаевта ер адамның подъезде қызға шабуыл жасап, зорламақ болған сәті видеоға түсіп қалған

Алматы, NEGE. Әлеуметтік желіде тараған видеода белгісіз ер адамның баспалдақпен көтеріліп келе жатқан қыздың артынан жүгіріп келіп, аузын жауып, шыға берістегі есіктің қасына апарып зорламақ болғаны таспаланған. Қатты шошынып қалған қыз бала бар даусымен айғайлай бастаған. Осы сәтте зорламақ болған ер адам есіктен шығып, қашып кетеді. Көп ұзамай қыздың даусын естіп, көршісі көмекке келеді. Ол болған жайды естіген бойда ер адамның артынан жүгіре жөнеледі.

Ұлытау облысының полициясы күдіктінің жедел түрде ұсталып, уақытша ұстау изоляторына қамалғанын хабарлады.

Аталған факті бойынша қылмыстық іс қозғалды.