Борат»фильмінің режиссері әрі басты рөлді сомдаған актер Саша Барон Коэн не себепті Қазақстанды таңдағанын түсіндірді, деп хабарлайды The New York Times.
Алматы, NEGE. «Бұл жай ғана комедия, менің фильмімдегі Қазақстанның шынайы Қазақстанмен ешқандай байланысы жоқ. Мен Қазақстанды Америка Құрама Штаттарында ешкім біле бермейтіндіктен атылмыш елді таңдадым. Бұл бізге жабайы, комедиялық, жалған әлем құруға мүмкіндік берді. Нағыз Қазақстан - бұл «Боратта» көрсетілген елге мүлде ұқсамайтын заманауи, мақтан тұтар қоғамы бар көрікті ел», - деп Сашаның сөзін келтірді басылым.
Саша Барон Коэн бұл мәлімдемесін аталмыш басылымның редакциясына электронды пошта арқылы жолдаған.